ONS IS … KAROS
Daar’s baie klippe in die Groot Karoo
Daar’s baie klippe op hierdie plaas
Maar hulle sê die werk is skaars
Ek dink ek sal maar ’n rukkie bly
Hier in die Kamdeboo-kontrei
Ek glo die muur wat ek hier gaan bou
Sal hierdie werf baie netjies hou
Ons moet die bokke van die skape skei
Hier in die Kamdeboo vallei
Om ysterklippe bymekaar te maak
Is mos ’n doodgewone taak
Party lê onder, party lê bo
Daar’s baie klippe in die Groot Karoo
Ek rus my knieë in die warm sand
Die vonke spat soos ek klippe kap
Dis nie my eerste muurtjie nie
Ek is nie meer ’n laaitie nie
My waterpas is ’n bietjie krom
Het met ’n halfmaan hier aangekom
Die klippe lê soms onderstebo
In hierdie deel van die Groot Karoo
Ek trek ’n streep in die warm sand
Die tipe werk vang my soms onkant
Op sommige plase rus ’n man se knie
Nie baie lekker op die aarde nie
En eendag na ’n sekelmaan
Sal ek ook voor jou hek kom staan
Met my pluiskeil wat ek liggies soen
Met my ’n donkie wat ek Dinsdag noem
Woorde: Christopher Torr
Klein Karoo
Klein Karoo, verre land van verlatenheid
Klein Karoo, waar die Swartberge troon
In die Klein Karoo het jy steeds nog na my verlang
Ek kom terug na jou, by jou wil ek altyd woon
Klein Karoo, dis waar ek jou liefde vind
Elke aand stap ons hand aan hand
Saam met jou kan ek van die toekoms droom
In die Klein Karoo wil ek met jou woon
Sien jy die aandblom staan, die sekelmaan, die wasigheid wat dit ontvou
So is my heimwee saans na jou daarom kom ek terug na jou
Klein Karoo, verre land van verlatenheid
Klein Karoo, waar die Swartberge troon
In die Klein Karoo het jy altyd na my verlang
Ek is weer terug by jou, by jou wil ek altyd woon
Pluk in die laat middag 'n gousblom af, kyk hoe die blare toe vou
Net soveel dae bly nog oor dan is ek weer by jou
Klein Karoo, dis waar ek jou liefde vind
Elke aand stap ons hand aan hand
Saam met jou kan ek van die toekoms droom
In die Klein Karoo wil ek met jou woon
Woorde: Sias Reynecke
Soos duidelik uit die pen van vele digter en liriekskrywer, kom pluk die Karoo aan ‘n mens se hartsnare en woel hy homself sommer vinnig onder jou vel in. Daar is ‘n aardsheid en opregtheid aan die Karoo. Hier is spasie … en hier is tyd. Die Karoo is ‘n plek waar jy jou kind wil grootmaak; vry, ongeskonde, gebalanseerd. En dis die rede hoekom Selme-Louise van Wyk, die hoof van Karos Akademie, tussen die Swartberge en dorre landskap ‘n onderrig-oase kom vestig het. ‘n Droom om Karoo-kinders die kwaliteit onderrig te bied wat kinders in die groot stede geniet – uit die gerief en sekuriteit van hul ouerhuis.
Kontak ons
FNB
Rekening nr 62927560814
Tak Kode: 250655