Die MOS Leerstelsel, wat as basis vir onderrig gebruik word, prikkel leerders se nuuskierigheid sodat hulle ‘n liefde vir leer ontwikkel en sodoende lewenslange leerders word. Leerders word deur die gebruik van die stelsel en toepassing van die leerfilosofie toegerus met die vaardighede wat nodig is om suksesvol te wees in ‘n onbekende toekoms waar nuwe vereistes in die vierde nywerheidsrewolusie van leerders verwag word. 

Die doelwit van Karos Akademie is om hoë kwaliteit, kreatiewe onderrig in die Karoo te vestig wat kinders individueel benader en hulle interne begeerte om te leer aanwakker, sodat hulle in die toekoms met nuwesoortige uitdagings en aanbiedinge sal floreer.

Die skool skep ‘n omgewing van inklusiewe onderrig vir leerders en vestig ‘n kurrikulum wat toekomsgerig is en die leerder optimaal by die leerproses betrek.

Karos bied Graad 7 tot 12 aan.